न क्वी भय च, न क्वी डर,
ब्वारी बुनी जिठाणु ते Happy New Year,
जवाब जिठाणु दयूंणु बोली,
Thank you & same to you dear,
संवाद यनु रम्यू, नि छै ऊँ द्वी ते खबर,
भगतु बोड़ा घूरि घूरि देखणु छौं ऊँ पर,
आँखा ता रंगसयेगा छा,
अब बात आई गिच्चा पर,
क्या बुनु तु ब्वारी ते,
क्याकि च ब्वारी ते फिकर,
धार धार मा जु बैठी बुनी, Happy new year
बात आई जिठाणा कि भि गौव पर,
बोली ता मिन भि छौं Thank You Dear
सोचि समझ वेन भि जवाब दियाळी एकदम फियर,
बोली बोड़ा,..
दिसंबर अर जनवरी कु बस एक ही डर
अब आप जुकाम समझा, मुनारु या फिकर,
सबते बोलण पड्दू अज्याल,
Happy New Year,
भगतु बोड़ा स्याणु छौ, चंठ भि, चालक भि,
जाणदू त सब छौ पर बड्यू नादान सि,
एक बात आई फट्ट वेका गिच्चा पर,
राजी ख़ुशी रयां तुम,न हो क्वि चिंता फिकर,
चैतव्ली बस नाचणु हि नी ची,चौक डन्डयाली खोलों पर,
सु भि नयु साल चि जु आंदू,बसंत ऋतु मा, तुमारु घर पर,
ल्यान्दु डालयों मा मोल्यार,सुख्यां डालयों मा फल,
बाज कख लुकी रांदि, नया संवत सर पर,
ब्वारी अब घबराणी छै, इथे-उथे टबराणी छै,
ससरा जी अब जाण भि द्या, बोली के फसकाणी छै,
भगतु बोड़ा Mention it..
बोलि के मुस्कुराणु छै…………..
- मस्त पहाड़ी (Mast Pahadi)
