मोनू हे मेरु विद्वान (गढ़वाली) Monu He Meru Vishwan

 मोनू हे मेरु विद्वान
(Monu He Meru Vidwan)

भ्वबे मोनू का टेस्ट च,

अर मोनू बुनु मि ता सबसे बेस्ट च,

घौर वलुन पूछी..

गुरुजी छा बुना मोनू बसे बात नी,

टेस्ट दयूंण ता आसान च,

पर पास हुणे क्वी आस नी।

मोनू न तब घौर वलों ते समझायी बुझाई अर अपणी प्रोग्रेस कि कथा सुणाई

सबसे पहली पी टी वालु गुरुजी से आमना सामना ह्वे..

पीटि सरल जब देखि मेरा नंग,

ता वु भि ह्वे गया दंग,

स्कूल वाला बुन लग्या मेरु नौ दबंग,

दबंग भाईन अब स्कूला बेंचतोड़ी,शीशा फोड़ी

कुछ दोस्त हौर जोड़ी कुछ कि हड्डी तोड़ी

अब जख भि पंगा छः दबंग भाई तोंका संगा छः

गुरुजी समझणा छैया तहलका मची हाहाकार ह्वेगी

द्वापर मा कंस छौ ता कलयुग मा मोनू एगे

पढे लिखे मा ता मोनू होशियार छौ,

चक्कू का जगम तलवार छौ…

हिंदी वाला गुरुजी न पूछी

हिंदी कखे भाषा च?

मोनू बुनु घर मा गढ़वाली बोल्दा

सायद हिंदी बोडर पार च

गणित वाला गुरजी न पूछी

हे मोनू मुनि बतो द्वी दुनी

मोनू छौ होशियार झटके कि आवाज

वेळ बताई उत्तर चार

यु ता पैला दिने कि बात रे

दूसरा दिन बे द्वी दुनी आठ ह्वे

गुरजि ते ता बड़ी आश रे

ब्यायी तक जु चार रे

आज कनु आठ ह्वे

मोनू न गुरुजी कि समस्या कु समाधान निकाई

गुरुजी ते जोड़ बताई

कि ब्यायी का चार अर आज का चार

ह्वे गे न गुरुजी आठ

गुरूजी भि अब हक्का बक्का रेगी

समझया मोनू भी इंटेलिजेंट ह्वेगी

यु कुछ नजारा छा

जख मु वेका जवाब एकदम करारा छा

समझणा सब छा वेका रिजल्ट कार्ड पर

चमकण वाला सितारा छा....

……..आगे की पंगतिया coming soon

                           - मस्त पहाड़ी

                          (Mast Pahadi)